• 2017 URTEKO LURRAREN KONTRIBUZIOA ETA JARDUERA EKONOMIKOEN GAINEKO ZERGA

    Diru-bilketaren gaineko Erregelamenduari jarraikiz, aditzera ematen da lur-ondasunen gaineko 2017ko kontribuzioaren ordainagiriak borondatez ordaintzeko epea 2017ko azaroaren 8tik abenduaren 31ra bitartekoa izanen dela. JEZaren kasuan epe hori 2017ko azaroaren 23tik 2018ko urtarrilaren 11ra bitarte luzatuko da.

    Helbideratu gabeko ordainagiriak titularraren helbidera igorriko dira, eta ordaindu daitezke Udalaren banku-kontuetara transferentzia eginez, 948 012 012 Info-localera deituz edo web atari honen egoitza elektronikoaren bidez. Helbideratutako ordainagiriak 2017ko azaroaren 21ean kargatuko dira kontuetan, kontribuzioaren kasuan, eta abenduaren 11n, JEZaren kasuan.

    Borondatez ordaintzeko epe hori iraganez gero, Diru-bilketaren gaineko Erregelamendu Orokorrean ezarritako errekarguak ezarriko dira eta tramiteak eginen dira premiamendu bidez kobratzeko.

  • ZERBITZUAREN IREKIERA– GAZTETXOKON IZEN EMATE EPEA ZABALIK

    HELDU DEN LARUNBATEAN, AZAROAREN 18AN, ZERBITZU BERRIA IREKIKO DA, ARRATSALDEKO 17:00ETATIK AURRERA, AKELARRE LUDOTEKAN

    12-16 URTE BITARTEKO GAZTEI ZUZENDURIKO UDAL ZERBITZU BERRIA, LUDOKETAN ESKAINIKO DENA.

    IZEN-EMATEA:

    -12 urtetik hastia eta 16 urte bete arte (2005-2001ean jaioak).

    – Izen-ematea Udaletxean azaroaren 2tik aurrera, 10:00etatik 14:00ak arte. Inskripzio orria bete beharko da eta ordainketaren egiaztagiria aurkeztu.

    -Partehartzailearen gutxieneko kopurua, 10 gazte eta gehienezkoa, 30 gazte.

    -Hasieran hiri hilabetez: azaroaren 17tik 2018ko urtarrilaren 28ra arte.

    Ostiraletan: 18:30etatik  21:30ak arte.

    Larunbatetan: 17:00etatik 22:00ak arte.

    Igandeetan:  16:00tatik 20:00ak arte.

    -Ordainketa:  12,75 €/ pertsonako eta 8,25 € , bigarren anai-arrebaren kasuan. Behin jarduera hasiz gero ez da dirurik bueltatuko.

    GAZTEEI ZUZENDUTAKO BILERA INFORMATIBOA AZAROAREN 6AN, ASTELEHENA, 18:30ETAN AKELARRE LUDOTEKAN.

    Inskripzio orria

  • KONTRATAZIOA, GAZTETXOKO UDAL ZERBITZU BERRIRAKO BEGIRALEGOA. EMAITZAK

    Olazti/Olazagutiako Udalak Gaztetxoko izeneko udal zerbitzu berrian arituko diren begiraleen kontratazio espedientea abiatu du. Zerbitzu hau 12-16 adin tarteari zuzendurik dago.

    Izen-ematea Nafarroako Lan Sarek Altsasun duen Bulegoan gauzatuko da, epea 2017ko azaroaren 10ean, ostiralarekin, itxiko delarik.

    Azaroaren 17tik hasita eta 2018ko urtarrilaren 28ra arte luzatuko da kontratua, berritu ahalko delarik. Ordutegia, ostiraletan 18:30tik 21:30ak arte, larunbatetan 17:00etatk 22:00ak arte eta igandeetan 16:00etatik 20:00ak arte.

    Hona hemen bete beharreko baldintzak:

    • 18 urte beteak izatea.
    • Batxillergoa edo Lan Bide Heziketa II.
    • C1 mailako hizkuntz ezagutza egiaztatzea. EGA titulua edo bere baliokideak edo Sakanako Mankomunitateko Euskara Zerbitzuak luzatutako ziurtagiria aurkeztuz; titulazioa  izan ezean, euskara proba gainditu beharko da zehaztuko den egunean.
    • Nafarroako Enplegu Zerbitzuan inskribaturik egotea lan eskatzaile edo lan hobekuntzan CVak aurkeztuko epea agortu baino lehen.

    Aukeratutakoek Olazti/Olazagutiako Udala baimenduko dute Natura Sexualeko delitugileen Errolda Zentralean kontsultatu ahal izateko bertan agiri ez direla baiezta dezan.

    Lanarekin zerikusia duen prestakuntza (gehienez 10 puntu) eta lan esperientzia (gehienez 30 puntu) meritutzat hartuko dira deialdian ezarritako baremoaren arabera.

    Eskabideak Altsasuko Enplegu Bulegoan aurkeztuko dira, eskatutakoa betetzen dutenaren ziurtagiriekin batera, kurrikulum vitaea, NANran kopia eta enpresen ziurtagiriekin bere funtzioak, jardueren adin taldeak, eguneko, asteko, hilabeteko edo urteko ordu kopuruak zehazturik edo, bestela, bizitza laboralarekin batera.

    Eskaerak aurkezteko epea azaroaren 10ean, ostirala,  amaituko da, 14:00etan, bukatuko da. Ez da kontutan hartuko epez kanpo aurkezturiko dokumentazioa.

    Azaroaren 11an, larunbata, goizeko 9:00etan Olaztiko Kultur Etxean proba praktikoa eginen da, epaimahiaren aurrean defendatu beharko delarik

    Probak gainditzen dutenenekin lan poltsa bat osatuko da, balizko bajak eta hutsegiteak betetzeko.

    Deialdiaren oinarriak

    Bukaerako emaitzak

  • KONTRATAZIOA, UDAL KIROLDEGIKO TABERNA-JATETXEAREN KUDEAKETARAKO ZERBITZUAREN KONTRATAZIOA

    Erburua Olazti S.L. elkarteak, udaleko kirol instalakuntzen kudeaketaren arduraduna, udal kiroldegiko taberna jatetxearen kudeaketarako zerbitzuaren kontratu nahi du.

    Kontratatzeko prozedura: Irekia, onuragarriago den eskaintzari  esleituko zaio.

    Kontratuaren xedea: Olazti/Olazagutiako Udal kiroldegiko taberna-jatetxearen kudeaketa zerbitzua ematea

    Esleipenaren aurrekontua: 5.400 euro urteko, beza kanpo. Hartzaileak esleipenaren kopuruaren % 4ko fidantza aurkeztu beharko du (2.000 euro).

    Gauzatzeko epea: Urte bat, gehienez 3 luzapen onartuko dituelarik (guztira gehienez 4 urte)

    Eskaintzak aurkezteko epea: azaroaren 10eko 14:00etan bukatuko da.

    Eskaintzak aurkezteko tokia: Olazti/Olazagutiako Udalaren Erregistroaren Bulegoan, edo bestela, urriaren 1eko 39/2015 Legearen 16. artikuluan zehazturiko moduan.

    Informazio gehiagorako deitu 948 562 446 telefonora.

    Deialdiaren plegua hitzez hitz.

  • KONTUEN GANBARAK 2015 URTEKO UDALEKO KONTUEI BURUZKO BERE TXOSTENA ARGITARATU DU

    Kontuen Ganberak Olaztiko Udalaren 2015eko kontuak aztertu ditu. Txostena Parlamentuko eledunen Batzordeak eskatu zuen, UPN taldearen eskariari oniritzia eman ondoren.

    Txostenak dioenez, 2015ean Olaztiko Udalak 1,8 milioi gastatu zuen, eta 2,2 milioi bildu. Udalak badu erakunde autonomo bat –musika eskola- eta sozietate bat: erburua Olazti, SL. Musika eskolaren gastu eta diru-sarrerak 30.000 eurokoak dira, eta sozietatearenak 180.000 euro. Olaztiko Udalak 24 langile ditu.

    Udalak bilduriko 2,2 milioitik milioi bat zuzeneko zergak dira, milioi erdia ohiko transferentziak eta beste milioi erdia udal tasak, ondare bidezkoa sarrerak eta komunalak. Gastuei dagokienez, langilerian 660.000 euro gastatu ziren, ohiko ondasun eta zerbitzuetan 620.000 euro eta ohiko transferentzietan 280.000 euro.

    Kontuen Ganberak dioenez, 2015eko kontuek ongi islatzen dituzte ondare egoera, aurrekontu kitapena eta finantza egoera.

    Legezkotasunaren azterketa ere udalaren aldekoa da, udal finantza jarduera legediaren araberakoa baita. Dena den, kontratazio guztietan zenbatekoren araberako prozedura beti zorrotz betetzeko eskatzen da.

    Kontuen Ganbarak txostenari buruz egindako laburpena

    Txosten osoa Kontuen Ganbararen web orrian ikus daiteke.

  • OIHAN APROBETXAMENDUAK ESLEITZEKO ENKANTE PUBLIKOA

    Olaztiko Udalak, behar bezala baimendurik, eskaintza itxiaren bidezko enkante publkoa egingo du ondoko oihan-aprobetxamenduak esleitzeko: Plegu Orokoarra.

    1. Lotea: 205 zuhaitz (33 aritz y 172 pago). Lizitazioaren hasierako prezioa: 6.758,09 € (Bezik gabe). Behin betiko fidantza: 135,70 €. 1 zenbakidun lotearen plegua.

    2. Lotea: 224 zuhaitz (18 aritz y 206 pago). Lizitazioaren hasierako prezioa: 9.197,53 € (Bezik gabe). Behin betiko fidantza: 183,95 €. 2 zenbakidun lotearen plegua

    . Lotea: 7.385 zuhaitz (pinuak). Lizitazioaren hasierako prezioa: 20.896,99 € (BEZik gabe). Behin betiko fidantza: 417,93 €.  3 zenbakidun lotearen plegua

    Baldintzen-orria: Olaztiko Udaletxean, web orrian eta Kontratatzeko Portalean.

    Proposamenak aurkezteko tokia eta epea, Olaztiko Udaletxean, 2018ko otsailaren 9ko 14:00ak arte.

  • ZOZKETA, 2017RAKO ETXEETAKO EGUR LOTEAK-ZOZKETAREN EMAITZAK

    Heldu den larunbatean, maiatzaren 20, goizeko 12:00etan  izango da etxeetako egur loteen zozketa, Kultur Etxean.

    Izena emanda daudenek 15 € ordainduko dute lotea esleitzen den unean.

    Egur loteen zozketaren emaitza

  • IRUÑEA ETA GASTEIZ AUTOBUS ORDUTEGI BERRIAK

    Heldu den maiatzaren 8tik hasita, astelehena, hauxek izango dira Iruñea eta Gasteizekin lotzen gaituzten autobusen ordutegi berriak.

  • OLAZTIKO UDALAK ERREGISTRO ELEKTRONIKOA JARRI DU MARTXAN

    Olaztiko Udalak, bere zerbitzuak zabaltzeko eta hobetzeko xedez, tresna hau prestatu du herritar guztiek Udalaren egoitza elektronikoaren bidez instantziak aurkezteko aukera izan dezaten, eguneko 24 orduetan eta urteko 365 egunetan.

    Tramitea egiteko interesa duen herritarra ziurtagiri digital ezagun eta baliozko baten bidez identifikatu beharko da.

    Eskaria aurkezteko jarraibideak (gaztelaniaz)

  • HORNITZAILEEI ORDAINTZEKO BATAZ BESTEKO ORDAINKETA EPEA ARGITARATU DA, 2016ko 3. HIRUHILABETEARI DAGOKIONA

    Uztailaren 25eko 635/2014 Errege Dekretuan zehaztutako ordaintzeko batez besteko aldiak neurtzen du zor komertzialaren ordainketako atzerapena termino ekonomikoetan, ekainaren 9ko 6/2006 Foru Legeak, Kontratu Publikoei buruzkoa, eta abenduaren 29ko 3/2004 Legeak, merkataritza-eragiketetan berankortasunaren kontrako neurriak ezartzen dituenak, ezarritako ordaintzeko legezko aldiaren adierazle ezberdin gisa.

    Irizpide ekonomikoak soilik jarraitzen dituen neurketa horrek balio negatiboak izan ditzake, ordaindutako eragiketetan nola ordaindu gabekoetan, baldin eta Administrazioak fakturak edo obra ziurtagiriak aurkeztu eta hogeita hamar egun natural igaro baino lehenago ordaintzen badu, edota informazioa bidaltzeko epea bukatutakoan, ordaindu gabeko eragiketetan, hogeita hamar egun horiek pasatu ez badira.

    2016ko hirugarren hiruhilabetekoari dagokion ordainketa epea argitaratzen da indarrean dagoen araudia betez. Ikus daitekeenez Udalak bere fakturak legeak ezartzen duen epean ordaindu ditu, faktura erregistratu denetik batazbeste 16,3 eguneko epean hain zuzen ere.

    2016ko 3. HIRUHILABETEKOA

    Kontzeptua Udala Musika Eskola Erburua Olazti S.L.
    Ordaindutako eragiketen ratioa (egunetan) -11,13 -22,00 -23,64
    Egindako ordainketen zenbateko osoa (eurotan) 130.132,33 40,13 20.701,43
    Ordaintzeko dauden eragiketen ratioa (egunetan) -20,05 0,00 -19,58
    Egiteko dauden ordainketen zenbateko osoa (eurotan) 18.676,69 0,00 1.674,06
    ENTITATE BAKOITZEKO HORNITZAILEEI ORDAINTZEKO BATEZ BESTEKO EPEA (egunetan) -12,25 -22,00 -23,34

    HORNITZAILEEI ORDAINTZEKO BATEZ BESTEKO EPE GLOBALA: -13,70 egun