Urbasa mendia

Herrigunetik abiatzen den errepidea hartu behar da Urbasara joateko. Urbasak 11.300 hektaera ditu eta bertan mendi-larreak eta pagadiak txandaka ageri dira paisaia ezin ederragoan. Nafarroako Mendialdearen eta Erdialdearen arteko trantsizio eremua da. 1997ko otsailaren 27an natur parke izendatu zuten Andiarekin batera.

Urbasako mendatearen goiko aldean dagoen interpretazio zentroan natur parkeari buruzko informazioa eskuratu daiteke: atsedenguneak, informazioguneak, flora eta fauna eta bertako baso eta harkaitz ederretan zehar eramango zaituzten seinaleztaturiko bidezidorrak.

Informazio gehiago: www.parquedeurbasa.es

Turismoa Sakanan

www.sakana.eus web orrian Sakanako eskaintza turistikoari buruzko hainbat informazio aurkituko dituzu: bisitatzeko leku interesgarriak, ostatuak, jatetxeak etabar.