Olaztiko Udalak herritarrei jakinarazi nahi die, 2025eko abenduaren 23an, “Kantauri-Mediterraneo trenbide-korridorearen proiektuari buruzko azterlan informatiboa. Tartea: Iruñea-Altsasu” publikoki informatzeko Trenbide Plangintzako Azpizuzendaritza Nagusiaren iragarkia BOEn argitaratu zela.

Horrela, Garraio eta Mugikortasun Jasangarriko Ministeritzak “Kantauri-Mediterraneo trenbide-sareari buruzko proiektuaren informazio-azterlana. Tartea: Iruñea-Altsasu” behin-behinean onartzea erabaki du, eta informazio publiko egiteko eta administrazioei entzuteko prozesua hastea.

Azterlan hori publikoaren esku jarriko da orain, nahi duen pertsona orok azter dezan. Pertsona horiek trazaduraren kontzepzio globalari buruzko oharrak egin ahal izango dituzte, interes orokorrari eta ingurumen-inpaktuari eragiten dioten neurrian.

Horretarako, Garraio eta Mugikortasun Jasangarriko Ministeritzak 45 egun balioduneko epea (hau da, 2026ko martxoaren 6ra bitarte)  ezarri du publikoaren esku jartzeko, iragarki hau Estatuko Aldizkari Ofizialean argitaratu eta hurrengo egunetik kontatzen hasita.

Azterlan informatiboa web-helbide honetan kontsultatu ahal izango da:

https://www.transportes.gob.es/ferrocarriles/estudios-de-planificacion

Aurkezten diren alegazioak, aukeran, Estatuko Administrazio Orokorraren Erregistro Elektroniko Orokorraren bidez bidaliko dira. Horretarako, web-helbide hau erabil daiteke:

https://rec.redsara.es/registro/action/are/acceso.do

Estatuko Administrazio Orokorraren Erregistro Elektroniko Orokorrean honako hau adierazi beharko da:

– Erakunde hartzailea: EA0043954 Subdirección General de Planificación Ferroviaria. Dirección General del Sector Ferroviario. Ministerio de Transportes y Movilidad Sostenible.

– Gaia: Información pública. LAV Pamplona-Alsasua. / Informazio publikoa. LAV Iruñea-Altsasu

Ziurtagiri elektronikorik edo cl@ve ziurtagiririk ezean, alegazioak, Administrazio Publikoen Administrazio Prozedura Komunaren urriaren 1eko 39/2015 Legearen 16. artikuluan ezarritako, gainerako modalitateetan aurkeztu ahal izango dira (adibidez, Correos bezalako erregistro-gaietan laguntzeko bulegoetan).

Bestalde, jakinarazten dugu Udala informazio-azterlana aztertzen ari dela eta alegazioak ere aurkeztuko dituela ezarritako epeen barruan.

Azkenik, gogorarazi nahi dugu, 2025(e)ko ekainaren 17an, Udalak mozio bat onartu zuela zeinetan tren-ereduaren azterlan alternatibo bat egitea eskatzen zuen, lurralde-kohesioa bermatzeko, ingurumena errespetatzeko eta bideragarritasun ekonomikoa ahalbidetzeko; eta, honetarako, trenbide-sarea modernizatuz eta merkantziak trenbidez garraiatzea bultzatuz, gure herri eta eskualdeetako geltokiekiko konexio eta maiztasunak hobetzean oinarrituta.

Olaztin, 2026ko urtarrilaren 9an