Olaztiko Udalak, martxoaren 28ko 125/2025 Alkatetzaren Ebazpenaren bidez (2025/04/11ko 73. zenbakiko NAOn argitaratua), Olaztiko Udalaren zerbitzura dauden zerbitzu anitzetako bi langile lanpostu oposizio bidez betetzeko deialdiaren oinarri arautzaileak onartu zituen.
Deialdian parte hartu ahal izateko eskabideak Olaztiko Udaleko erregistro orokorrean aurkeztu beharko dira (Gartzia Ximenez plaza 1, Olazti/Olazagutia) (09:00etatik 14:00etara), Olaztiko Udalaren egoitza elektronikoan (https://sedeelectronica.olazti.es), edo Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusitako edozein bide erabiliz, bosgarren oinarrian adierazitako epean.
Parte hartzeko eskabidearekin batera, izangaiek honako hauek aurkeztu beharko dituzte:
- a) Nortasun-agiri nazionalaren fotokopia.
- b) Eskatutako titulazioaren fotokopia edo eskabideak aurkezteko epea amaitzen den egunean lortzeko moduan dagoela egiaztatzen duen dokumentuarena.
- c) B. motako ibilgailuak gidatzeko gidabaimenaren fotokopia.
- d) ehiaketa-fasean izangaiak baliatu nahi dituen merezimenduak. Eskabideak aurkezteko epea ixtean alegatu ez diren merezimenduak ez dira kontuan hartuko eta ez dira baloratuko.
Puntu honetan adierazitako agiriak aurkezten ez dituztenak ez dira deialdian onartuko, d) idatz-zatia izan ezik, hori ez aurkezteak lehiaketa-fasean puntuatua izateko eskubidea galtzea ekarriko baitu. Nahikoa izango da dokumentazioaren kopia sinpleak egitea, baina aurkeztutako datuak edo dokumentuak zuzenak ez badira edo faltsuak badira, erantzukizun penalak, zibilak edo administratiboak eskatuko dira.
Desgaitasun aitortua duten pertsonek parte hartzeko eskabidearekin batera aurkeztu beharko dute hori frogatzen duen dokumentuaren egiaztagiria, organo eskudunak emana. Halaber, ariketak egiteko behar diren denbora eta bitartekoen egokitzapenak eskatu ahal izango dituzte; kasu horretan, eskabide-orrian adierazi beharko dute egokitzapena, eta, gainera, aparteko orrian adierazi beharko dute zer minusbaliotasun duten eta zer egokitzapen eskatu zaizkien.
Hautagaitzak aurkezteko epea maiatzaren 12an amaituko da, 23:59: 59an.
Eskabidea